أسألك الرحيلا
انا كنت مرة يا بلدى
فايتة من هنا
شفت الطريق الحلو
راسم ضحكتى
قبل اما أشوف
امى وابويه ف لفتى
شفتك يا بلدى
ضىّ عينى ولهفتى
ضحكة جنين
وانشقّ قلبه ع الحياة
رفعة جبين
مقدرتش اعرف منتهاه
شفتك وقبل ما جفنى يفتح فتحته
شمساية تقتل ضلمتى
وصبية فيها الكل يطمع ف الهوى
تتحامى فيّه
جوّه حضنى وضمّتى
بس اللى شفته
مكنش حاجه حلمتها
ولا كان حقيقة
وباديه لمستها
مقدرتش اعرف وقتها
انا شفت ايه
يمكن لأنى
وقت تانى لمحتها
عصفورة تايهة
رافضة حتى عشّتى
نفس الطريق
اللى اترسم فيه ضحكتى
هو الطريق
اللى لاقيته ف غربتى
والشمس كانت
قُرب منى مضلّمة
والورده كانت
جنب منى مبلّمه
حزنانة يمكن
من رضاية بقهرتى
حتى انا
مش قادرة احدّد نظرتى
خجلانة منها
ولا منها بشتكى
بكيانة منها
او عليها يتبكي
مبقتش عارفة الومها ولا اضمّها
هى اللى جانيه
ولاهى ضحيتى؟
كتبها bero afifi في 03:10 مساءً ::
4 تعليقات
في04,أيار,2008 - 01:53 مساءً, صفاء رجب كتبها ...
ازيك يا قمر.... ايه أخبارك؟
بجد جميل كلامك يا عبير
ربنا يوفقك
وشدى حيلك فى المذاكرة
وادعيلى معاكى
في04,أيار,2008 - 05:47 مساءً, bero afifi كتبها ...
الله يكرمك يا صفاء بجد اسعدنى جدا مرورك الذى هو اجمل من كلامى
ربنا يوفقنا فى كل شئ يستحق التوفيق
ولا تحرمينا المرور ثانية
في06,أيار,2008 - 07:20 مساءً, midooooooooooo كتبها ...
بجد الله عليكى يا بيرووو
تطربيننا بأنّاتك وحيرتك وكأنك تقرأين ما فى قلوبنا
حقا شاعرة قلبا وقالبا
وبجد اسف على طول التاخير ولكن لى عذرى
سامحينى شاعرتى الجميلة
في07,أيار,2008 - 06:09 مساءً, bero afifi كتبها ...
ازيك يا ميدو لعلّ المانع خير ان شاء الله ولو انك لم تتاخر كثيرا اوى يعنى
لا بس والله وحشتنا تعليقاتك
دمت بخير