أسألك الرحيلا
ونتفرج على الايام
ونسأل بكره وانبارح
منين السكة نمشيها
لبرّ سلام
لابكره خد من انبارح
ولا انبارح مشى لأدام
كفاية العمر فات منه
على الأوهام
وضاع الوقت ع الفاضى
وكله كلام
وليه مانخدش م الماضى
بقساوته علام؟
********
ونتفرج على الرسومات
وشوش مرسومه بالميه
على الالواح
وبالآلافات
عيون بتدارى على روحها
وناس نيمانه فى جروحها
وتصحى تبص على دورها
ودورها ده فات
وناس بتعدى ف الزفة
تسلّم لفة ورا لفة
ياريتهم تعبوا م الزفة
وم اللفات
********
ونتفرج على العاشقين
ودولا خلاص بقوا نكته
وحبه باينلهم مجانين
ورضيوا بظلم ايامهم
وأيامهم ياريت راضيين
يحاولوا يلاقوا سكتهم
فيمشوا فى الطريق تايهين
وألف سلامه على شوقهم
وبعد الشر
ع السامعين!
كتبها bero afifi في 06:02 مساءً ::
6 تعليقات
في07,آذار,2008 - 08:30 مساءً, jessy كتبها ...
الله ينور يا بيرو هو ده الشغل أستمرى يا بنتى
في08,آذار,2008 - 12:40 مساءً, bero afifi كتبها ... (غير موثّق)
ياسميييييييين
ازيك يا قمر ايه الرضا ده كله المدونه نورت والله يارب دايما نشوفك كده
دعواتك
في08,آذار,2008 - 07:38 مساءً, محمد محمود أبوشوشة كتبها ... (غير موثّق)
أولا يكفيني فخرا أنني سمعتها منكِ شخصيا ..
رائعة و كفى ..
فكيف بإلقائكِ ؟!
دمتِ عزيزتي
في08,آذار,2008 - 08:40 مساءً, bero afifi كتبها ...
ابو شوشه كيف الحال؟
طبعا الشرف ليه انا انك تسمع القائى وان القصيدة تنال اعجابك
دمت دائما متميزا كالعادة
في12,آذار,2008 - 04:54 مساءً, midoooooooooooo كتبها ...
انا لم انكر طبعا ان القصيدة فيها لمسة ابداع رائعة جدا ولكن
يبدو انكِ تعانين من زيف وخداع من حولك وانك مصابة بحالة من الزهول من واقع مؤلم
لانى غير متخيل ان عبير التى تشع امل واشراق يزداد بها الشجن لهذه الدرجه الا اذا كان هناك ماهو كفيل بذلك
عموما انتِ تعلمين ان الدنيا دائما بها ماهو افضل ولكن تحتاج فقط للتدقيق فى البحث فلا تتردى فى حب الحياة(فانت من تنادين بحب الحياة ولو عذبتنا وحب الارادة ولو ارهقتنا وحب السعادة ولو فارقتنا)
في13,آذار,2008 - 11:40 صباحاً, bero afifi كتبها ...
والله يا ميدو لازلت انادى بذلك ولكن احيانا يشعر الانسان انه يقف على ارض مختلفه عن من حوله فى كل شئ وللاسف هو مدرك ذلك ولكن يهرب دائما من الحقيقة المؤلمة
عموما
انا ازداد ايمانا بحب الحياة وازداد اصرارا على الامل فى الوجود فكما قال جبران(لو لم يكن الوجود افضل من العدم لما كان الوجود) ولكنها حاله تعترى كل من يصارع من اجل الاعتزاز بذاته
اشكرك على تعليقك الذى اسعدنى جدا هذه المره